काठमाडौं । सहिद स्मारक ‘ए’ डिभिजन लिग फुटबलमा मछिन्द्र फुटबल क्लबले खुमलटार युथ क्लबलाई हराएको छ ।

ललितपुरको सातदोबाटोस्थित एन्फा कम्प्लेक्सको मैदानमा सोमबार भएको खेलमा मछिन्द्रले खुमलटारलाई ३–० गोल अन्तरले पराजित गरेको हो ।

सोमबार च्यासल रंगशालामा सम्पन्न खेलमा मछिन्द्रलाई जित दिलाउन ओलावाले अफिजले दुई र आन्द्रेस नियाले एक गोल गरे ।

तेस्रो स्थानमा रहेको मछिन्द्रले यो जितसँगै १८ खेलबाट ३० अंक बनाएको छ । समान खेलबाट १७ अंक जोडेको खुमलटार भने तालिकाको रेलिगेसन क्षेत्रमा छ ।

सोमबारनै भएको अर्को खेलमा हिमालयन शेर्पा र संकटाले १–१ गोलको बराबरी खेल्दै अंक बाँडे ।

बराबरीसँगै १८ खेलबाट २२ अंक जोडेको हिमालयन शेर्पा तालिकाको नवौँ स्थानमा छ भने संकटाले १८ खेलमा २१ अंक जोड्दै तालिकाको ११ औं स्थानमा उक्लिएको छ