काठमाडौं । सिंगापुर, दुबई र माल्दिभ्स पठाइदिने प्रलोभन देखाएर ठगी गर्ने तीनजना पक्राउ परेका छन् । काठमाडौं उपत्यका अपराध अनुसन्धान कार्यालयले उनीहरुलाई विभिन्न स्थानबाट पक्राउ गरेको हो ।

सिंगापुर पठाइदिने भन्दै ठगी गरेको आरोपमा झापाका २० वर्षीय सृजन निरौला पक्राउ परेका छन् । उपत्यका अपराध अनुसन्धान कार्यालयका अनुसार उनले विभिन्न १२ जना व्यक्तिलाई सिंगापुर पठाइदिने प्रलोभन दिई प्रतिव्यक्ति १४ लाख ठगी गरेको अरोप छ ।

उनले मासिक चार लाख तबलको प्रलोभन दिएर ती व्यक्तिहरूबाट ९५ लाख ठगी गरेको बताइएको छ । त्यस्तै दुबई पठाइदिने भन्दै ठगी गर्ने रसुवाका ३८ वर्षीय होमबहादुर तामाङलाई पनि प्रहरीले पक्राउ गरेको छ ।

यसैगरी माल्दिभ्स पठाइदिन्छु भन्दै ठगी गर्ने काभ्रेका ४६ वर्षीया अन्जन सिग्देल पनि पक्राउ परेका छन् ।