काठमाडौं । नेपाली कांग्रेसका सांसद आरजु राणा देउवा र मञ्जु खाँण संसद् बैठकमा अनुपस्थित भएका छन् ।

नक्कली भुटानी शरणार्थी प्रकरणमा नाम जोडिएका सांसदद्धय बुधबार चलिरहेको बैठकमा उपस्थित छैनन् ।

पूर्वगृहमन्त्री बालकृष्ण खाँणलाई बुधबार प्रहरीले पक्राउ गरेपछि कांग्रेसभित्र मात्र नभई राजनीतिक वृतमै तरंग पैदा भईरहेको छ ।

पूर्वगृहमन्त्री खाँण पक्राउ परेपछि यो प्रकरणमा नाम मुछिएकी उनकी पत्नी मञ्जु संसद् बैठकमा उपस्थित छैनन भने
सोही प्रकरणमा नाम जोडिएकी आरजु पनि संसद् बैठकमा अनुपस्थित नभएको स्रोतले बतायो ।

नक्कली शरणार्थी प्रकरणमा आरजुले दुई करोड र मञ्जुले ६ करोड रकम बुझेको अडियो सार्वजनिक भएपछि प्रहरीले अनुसन्धान गरिरहेको छ ।