काठमाडौं । नेकपा एमालेका सांसद रघु पन्तले राष्ट्रपति रामचन्द्र पौडेलले निष्क्रिय भएको नागरिकता विधेयक प्रमाणीकरण गर्न खोजेको भन्दै असन्तुष्टि व्यक्त गरेका छन् ।

पन्तले राष्ट्रपति कार्यालयमा थन्किएर बसेको नागरिकता विधेयक प्रमाणिकरण गर्न छलफल थालेपछि संसदको अधिकार नखोस्न आग्रह गरेका हुन् ।

जारी प्रतिनिधि सभाको बैठकमा बोल्दै सांसद पन्तले राष्ट्रपतिले सो काम गर्न खोजेकोमा दुःख लागेको बताए ।

सांसद पन्तले सो विधेयक तत्काल संसदमा पेस गर्न सरकारसँग माग समेत गरे ।

आफूहरू सो विधेयकलाई दिनरात छलफल गरेर छिटो पारित गर्न तयार रहेको सांसद पन्तको भनाइ थियो ।