काठमाडौं । दक्षिण भारतीय अभिनेता प्रभास, कृति सेनन सैफ अली खानको बहुप्रतिक्षीत फिल्म ‘आदिपुरुष’ को ट्रेलर सार्वजनिक भएको छ।

मंगलबार टि सिरिज युट्युब च्यानलमार्फत फिल्मको ट्रेलर सार्वजनिक गरिएको हो ।

तीन मिनेटभन्दा लामो यो ट्रेलरमा राघवको भूमिकामा प्रभास, जानकीको भूमिकामा कृति सेनन, लक्ष्मणको चरित्रमा सन्नी सिंह र लंकेशको भूमिकामा सैफअली खान छन् ।

हिन्दू धर्मग्रन्थ रामायणमा आधारित फिल्मको ट्रेलरमा सीता हरणको प्रसंगलाई देखाइएको छ ।

असार १ गते प्रदर्शन हुने फिल्म हिन्दी, तेलुगू, तमिल, कन्नड र मलयालम भाषामा रिलिज हुनेछ ।

फिल्ममा कृति, प्रभास, बाहेक सैफअली खान, अमिताभ बच्चन, काजोल, सन्नी सिंह, कीर्ती सुरेश, सोनल चौहान, वत्सल सेठ र तृप्ती तोरडमलको पनि अभिनय रहेको छ ।