काठमाण्डौं । शहिद स्मारक ‘ए’ डिभिजन लिगमा संकटा क्लबले सातदोबाटो युथ क्लबमाथी सहज जित निकालेको छ।

च्यासल मैदानमा मंगलबार दिउँसो भएको खेलमा संकटाले सातदोबाटोलाई २–० गोल अन्तरको पराजित गरेको हो ।

संकटाको जितमा दुबै गोल युसेफ एट्रिसले गरेका थिए ।

जितसँगै १६ खेलमा २० अंक जोडेको संकटा अंकतालिकाको नवौं स्थानमा उक्लिएको छ ।

समान खेलबाट २३ अंक जोडेको सातदोबाटो तालिकाको पाँचौ स्थानमा छ ।