काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा मंगलबार तीन खेल हुदैछ ।

आज हुने तीनवटा खेल मध्ये दुईवटा खेल दशरथ रंगशालामा हुनेछ भने एउटा खेल च्यासल मैदानमा हुनेछ ।

त्रिपुरेस्थित दशरथ रंगशालामा थ्रि स्टार र न्युरोड टिम बिच दिउँसो ३ बजे पहिलो प्रतिस्पर्धा हुनेछ ।

सोही मैदानमा नै जावालाखेल युथ क्लब र हिमालयन शेर्पा क्लब बिच प्रतिस्पर्धा हुनेछ ।

यी दुई टोलीबीचको खेल साँझ ६ बजेबाट सुरु हुनेछ ।

त्यस्तै च्यासल खेल मैदानमा भने संकटा क्लब र सातदोवाटो युथ क्लबबीच प्रतिस्पर्धा हुनेछ । उक्त खेल दिउँसो ३ बजे सुरु हुनेछ ।