काठमाडौं । राजधानीमा जारी सहिद स्मारक ‘ए’ डिभिजन लिगमा एफसी खुमलटार फ्रेन्ड्स क्लबसँग पराजित भएको छ ।

सोमबार च्यासल मैदानमा सम्पन्न खेलमा फ्रेन्ड्स क्लबले खुमलटारलाई ३-१ गोल अन्तरले पराजित गरेको हो ।

फ्रेन्ड्सको जितमा राफिक अमिनुले दुई गोल गरे भने सन्तोष खत्रीले एक गोल गरेका थिए । खुमलटारका लागि मेसुके ओलोमोउले सान्त्वना गोल फर्काए ।

जितपछि १६ खेलबाट १९ अंक जोडेको फ्रेण्ड्स रेलिगेसन क्षेत्र छाड्दै नवौँ स्थानमा उक्लेको छ भने खुमलटार १६ खेलमा १७ अंक सहित तालिकाको १३ औं स्थानमा झरेको छ ।