एजेन्सी । अमेरिकाको टेक्सासमा एक कारले मानिसहरुको समूहलाई ठक्कर दिँदा ८ जनाको मृत्यु भएको छ ।

घरबारविहीन तथा आप्रवासीहरुको आश्रयस्थल नजिक रहेको बस स्टपमा मानिसहरुको एक समूहलाई कारले ठक्कर दिएको हो ।

उक्त घटनामा ६ जना घाइते भएका छन् । केहीको अवस्था गम्भीर रहेको प्रहरीले जनाएको छ ।

मेक्सिकोको सीमा नजिकैको ब्राउन्सभिल सहरमा बिहान साढे ८ बजेको समयमा उक्त घटना भएको टेक्सास प्रहरीले जनाएको छ । बस कुरिरहेका करिब २० जनाको समूहलाई कारले ठक्कर दिएको थियो ।

घटनाका पीडितहरु भेनेजुएलाका नागरिक रहेको बताइएको छ । उक्त कारका चालकलाई प्रहरीले नियन्त्रणमा लिएको छ।