काठमाडौं । । राष्ट्रपति रामचन्द्र पौडेलले नागरिकता विधेयकबारे कानुनविद्हरुसँग आज परामर्श गर्दैछन् ।

राष्ट्रपतिको सचिवालयका अनुसार आज दिउँसो १ बजे कानुनविदहरुसँग परामर्श गर्न लागिएको हो ।

दुवै सदनबाट पारित भएको विधेयक पूर्वराष्ट्रपति विद्यादेवी भण्डारीले रोकिदिएकी थिइन् । उक्त रोकिएको विधेयकका सम्बन्धमा राष्ट्रपतिले छलफल गर्न लागेको बताइएको छ ।

प्रधानमन्त्री निवास बालुवाटारमा शनिबार सत्ता गठबन्धनका शीर्ष नेताहरूले पनि कानुन व्यवसायीहरूसँग विधेयकमा परामर्श गरेका थिए । सो विधेयक अघि बढाउने निर्णय अहिलेको सरकारले गरेको छ ।