काठमाडौं । सहिद स्मारक ‘ए’ डिभिजन लिग फुटबलमा साविक विजेता मछिन्द्र फुटबल क्लबले जित निकालेको छ ।

त्रिपुरेश्वरस्थित दशरथ रंगशालामा बिहीबार मछिन्द्रले संकटा क्लबलाई ३-१ गोल अन्तरले हराउँदै अंकतालिकाको पाँचौ स्थानमा उक्लिएको छ ।

मछिन्द्रको जितमा देवेन्द्र तामाङ, आफिज ओलावाले र विमल घर्ति मगरले एक एक गोल गरेका थिए । त्यस्तै संकटाका लागि जुनियर एनकेनगुएले एक गोल फर्काएका थिए ।

यस जितसँगै मछिन्द्र २१ अंक जोडेर पाँचौ स्थानमा उक्लिएको छ ।

संकटाले १४ खेलमा १६ अंक जोडेको छ । संकटा ११ औं स्थानमा रहेको छ ।