काठमाडौं । राजधानीमा जारी सहीद स्मारक ‘ए’ डिभिजन लिग फुटबलमा बिहीबार दुई खेल हुँदैछ ।

लिगको दोस्रो लेगको पहिलो राउण्ड अन्तर्गत आज दुई खेलहरु हुनेछन् । जसमा एक खेल दशरथ रंगशाला र एक खेल एन्फा मैदानमा हुनेछ ।

त्रिपुरेश्वरस्थित दशरथ रंगशालामा दिउँसो ३ बजे सुरु हुने खेलमा मछिन्द्र फुटबल क्लबले संकटा क्लबसँग खेल्नेछ ।

मछिन्द्र १८ अंक जोडेर आठौं स्थानमा रहँदा संकटा १६ अंक जोडेर १० औं स्थानमा रहेको छ ।

सोही समयमा एन्फा कम्प्लेक्स सातदोबाटोमा एपीएफ क्लब र न्युरोड टिम एनआरटी भिड्नेछन् ।

एपीएफ १३ खेलमा १८ अंक जोडेर सातौं स्थानमा रहेको छ । एनआरटी भने १३ खेलमा १६ अंक जोडेर ११ औं स्थानमा रहेको छ ।

जारी लिगमा आजका खेलहरुपछि १४ औं चरणका खेलहरु सकिनेछन् ।