काठमाडौं । संघीय निजामती ऐन तत्काल जारी गर्नुपर्ने माग राख्दै आएका कर्मचारी सङ्गठनहरूले आफ्ना आन्दोलनका कार्यक्रमहरू स्थगित गरेका छन् ।

उपप्रधान एवं रक्षामन्त्री पूर्णबहादुर खड्काको नेतृत्वमा वार्ता समिति बनाएपछि आन्दोलन स्थगित गरिएको हो ।

सरकारले वार्ता समिति बनाएपछि हाललाई आन्दोलन स्थगित गरिएको नेपाल निजामती कर्मचारी युनियनले जनाएको छ ।

बिहीबारदेखि कर्मचारी सङ्गठनहरूले आन्दोलन सुरु गरेका थिए । आज सिंहदरबार भित्र कर्मचारीहरूलाई प्रवेशमा रोक लगाउने भनिएको थियो ।