एजेन्सी । सर्बियाको राजधानी बेलग्रेडमा रहेको विद्यालयमा जथाभाबी गोली चल्दा आठ बालबालिकासहित नौ जनाको मृत्यु भएको छ ।

बुधबार बिहान विद्यालय समय सुरु हुनेबित्तिकै एक जना १४ वर्षका किशोरले जथाभाबी गोली चलाउदा नौ जनाको मृत्यु भएको हो । आक्रमणमा विद्यालयका सुरक्षा गार्डको पनि ज्यान गएको छ ।

सुरक्षा गार्डले आक्रमणकारीबाट थप बालबालिकाको ज्यान जोगाउनका लागि आफैँलाई गोली थापेका बताइएको छ ।

जथाभाबी गोली चलाउने किशोर ७ कक्षामा पढ्ने विद्यार्थी भएको हुन सक्ने प्रहरीको अनुमान छ । घटनापछि सर्बिया शोकमा डुबेको छ ।