काठमाडौं । आगामी आर्थिक वर्ष २०८०/८१ को बजेट आउन एक महिना पनि बाँकी नरहेको अवस्थामा सरकारले अर्थ मन्त्रालयमा सचिव हेरफेर गरेको छ ।

बुधबार बसेको मन्त्रिपरिषद्को बैठकले सचिव हेरफेर गर्ने निर्णय गरेको हो ।

अर्थसचिवको रुपमा अर्जुन पोखरेल आएका छन् । हालसम्म अर्थसचिव रहेका तोयम रायलाई उपराष्ट्रपति कार्यालय पठाइएको छ ।

अर्जुन पोखरेल प्रधानमन्त्री तथा मन्त्रिपरिषद्को कार्यालयमा कार्यरत थिए । यस्तै सरकारले आधा दर्जन बढी सचिवहरूको सरुवा गरेको छ ।