तनहुँ । पृथ्वीराजमार्गको आबुखैरेनी-डुम्रे सडकखण्डमा ट्रक दुर्घटना हुँदा ८ घाइते भएका छन् ।

तनहुँको बन्दिपुर गाउँपालिका– ५, याम्पा आँधीखोलामा ट्रकले घरमा ठक्कर दिँदा ८ जना घाइते भएका हुन् ।

घाइतेमध्ये तीन जनाको अवस्था गम्भीर छ । ना ४ ख १९७३ नम्बरको गाडी एउटा घरमा ठोक्किएको हो।

ट्रक चालक आँबुखैरहनी प्रहरीको नियन्त्रणमा छन् । अहिले राजमार्ग अवरूद्ध छ।

राजमार्ग खुलाउने प्रयास भइरहेको जिल्ला प्रहरी कार्यालय तनहुँले जनाएको छ ।