काठमाडौं । सहिद स्मारक ‘ए’ डिभिजन लिग फुटबल अन्तर्गतका खेलहरू मंगलबारबाट सुरु हुँदैछ ।

लिगको दोस्रो लेग अन्तर्गत आज दुई खेलहरु सुरु हुँदैछन् । जसमा एक खेल एन्फा कम्प्लेक्स र एक खेल च्यासल मैदानमा हुनेछ ।

सातदोबाटोस्थित एन्फा कम्प्लेक्समा हुने खेलमा शीर्ष स्थानको जावलाखेल युथ क्लबले पुछारमा रहेको नेपाल पुलिस क्लबसँग खेल्नेछ ।

जावलाखेल र पुलिसबीचको खेल दिउँसो ३ बजे सुरु हुनेछ ।

यस्तै, च्यासल मैदानमा दोस्रो स्थानको थ्री स्टार क्लब र एफसी खुमलटारबीच प्रतिस्पर्धा हुनेछ । थ्री स्टार र खुमलटारबीचको दिउँसो ३ बजे सुरु हुनेछ ।