नवलपरासी । प्रधानमन्त्री पुष्पकमल दाहाल ‘प्रचण्ड’ ले पूर्वी नवलपरासीको गैंडाकोट-मौलाकाली जोड्ने १२ सय मिटरको मौलाकाली केबलकारको उद्घाटन गरेका छन् ।

प्रसिद्ध धार्मिक स्थल मौलाकाली मन्दिर जान आउन सकिनेगरी निर्माण गरिएको केबलकारको प्रधानमन्त्री ‘प्रचण्ड’ ले सोमबार औपचारिक रुपमा उद्घाटन गरेका हुन् ।

केबलकार उद्घाटन गर्दै प्रधानमन्त्री प्रचण्डले केबलकार निर्माणले धार्मिक पर्यटनसँगै सांस्कृतिक र आर्थिक रुपान्तरणकारी परियोजना रहेको बताए ।

केबलकार गैँडाकोटको डाँडामा रहेको मौलाकालिका मन्दिर जाने यात्रुलाई लक्षित गरेर निर्माण गरिएको मौलाकाली केवलकार प्रालिले जनाएको छ ।

करिब दुई किलोमिटर लामो केबलकार पुग्न पाँच मीनेट लाग्नेछ भने १२ वटा गोन्डोला रहेका छन् ।