काठमाडौं । काठमाडौंको सोल्टीमोडस्थित होटल सोल्टीलाई सिल गरिएको छ ।

सोल्टीमा बस्दै आएका नेपाल वायु सेवा निगमका पाँच जना कर्मचारीमा कोरोना भाइरस संक्रमण पुष्टि भएपछि आजै होटल सिल गरिएको महानगरीय प्रहरी वृत्तका कालीमाटीका डीएसपी रुगम कुँवरले जानकारी गराए ।

डिएसपी कुँवरका अनुसार नेपाल वायु सेवा निगमका उडान कर्मचारीहरू होटल सोल्टीमा बस्ने गरेको र त्यहाँ बस्ने सो कम्पनीका कर्मचारीहरूमध्ये ५ जनामा कोरोना संक्रमण पुष्टि भएकाले स्वास्थ्य सुरक्षाका लागि सो होटल सिल गरिएको हो ।

संक्रमित कर्चारीहरूलाई होटलमै राखेर उपचार गरिने भएको छ ।