चितवन । चितवनबाट खरिद गरी सिन्धुली लैजान लागिएका १७ वटा दुहुना गाई प्रहरीले रोकेको छ । दुध उत्पादनका लागि खरिद गरिएका दुहुना गाई चितवन नाकामा अलपत्र परेका हुन् ।

चितवनको लोथरमा प्रहरीले दुई वटा गाडीमा राखिएको १७ वटा गाई हिजो साँझ रोकेर अलपत्र पारेको छ । गाउँपालिका र वडाको कागजपत्र र सिफारिस सहित गाई लैजान लागिएको भएपनि सिमानामा रोकिएको बताइएको छ ।

ऋण लिएर दूध उत्पादन बढाउने हिसाबले खरिद गरिएका गाई हामीलाई मासुका लागि तस्करी गरेको भनेर रोकिएको किसान बाबुराम श्रेष्ठले बताए ।

हिलटप जुनार बहुउद्देश्यीय सहकारी संस्थाले सिन्धुली जिल्लाको गोलन्जोर गाउँपालिकामा रहेका कृषकहरुलाई व्यवसायीक बनाउने उद्देश्यले व्यवसायीक पशुपालनलाई अभियानकै रुपमा अघि बढाएपछि त्यहाँका किसानहरुले पशुपालनको कार्य थालेका छन् ।