काठमाडौं । कोरोना भाइरसबाट थप १ जनाको मृत्यु भएको छ । यो सँगै नेपालमा कोरोना भाइरस (कोभिड–१९) बाट मत्यु हुनेको संख्या ३५ पुगेको स्वास्थ्य तथा जनसंख्या मन्त्रालयले जनाएको छ ।

मृत्यु हुनेमा बाग्लुङ ढोरपाटन नगरपालिकाका २९ पुरुष रहेका छन् । उनी गत असार १ गते भारतबाट आएका थिए । परिवारसहित भारतमा रहेका उनी क्षयारोगले पिडित रहेका थिए । भारतमा उपचारको लागि खर्च जुटाउन नसकेपछि घर फर्किएको प्रवक्ता गौतमले बताए ।

उनलाई ढोरपाटन नगरपालिकाले असार १२ गते खुङ्गास्थित छोरेगाउँ माध्यमिक विद्यालयको क्वारेन्टीनमा राखिएको थियो । पछि नगरपालिकाले होम क्वारेन्टाइनमा पठाएको थियो ।