काठमाडौं। काठमाडौं उपत्यका अपराध अनुसन्धान कार्यालयले पोर्चुगल पठाईदिन्छु भन्दै ठगी गर्ने दुई जनालाई पक्राउ गरेको छ ।

पक्राउ पर्नेमा गोरखा घ्यालचोक गाएँपालिका ८ घर भई हाल जिल्ला ललितपुर गोदावरी नगरपालिका बस्ने दुर्गा बहादुर रेग्मी र कमला रेग्मी रहेका छन् ।

सुजन कार्कीसहित ३ जनालाई ठगेको भन्दै वैदेशिक रोजगार विभागमा उजुरी परेको थियो । पोर्चुगलको सपना देखाएर उनीहरुले २१ लाख ठगेको पाइएको छ ।

विभागको आग्रह अनुसार नै उनीहरूलाई पक्राउ गरिएको काठमाडौँ उपत्यका अपराध अनुसन्धान कार्यालयले जनाएको छ ।

थप अनुसन्धान तथा कारबाहीको लागि उनीहरूलाई विभागमा पठाइएको प्रहरीले जनाएको छ ।