काठमाडौं । काठमाडौं महानगरपालिकाकी उपमेयर सुनिता डंगोलले मानिसहरु एकले अर्कोसँग डराउनुपर्ने अवस्था सिर्जना भएको बताएकी छिन् ।

कपनमा वैशाख ७ गते भएको निरा आचार्यको हत्याको विषयलाई लिएर गृहमन्त्रीको ध्यानाकर्षण गराउन गृहमन्त्रालय पुगेकी उपमेयर डंगोलले यस्तो बताएकी हुन् ।

उपमेयर डंगोलले मानिसहरु अहिले आफू सुरक्षित नभएको आभाष गर्न थालेको बताइन् ।

८ दिन बितिसक्दासमेत निरा आचार्यको हत्यारा पत्ता नलाग्नुले जनतामा झनै त्रास बढेको उपमेयर डंगोलको भनाई छ ।