काठमाडौं । राजधानीमा जारी सहिद स्मारक ‘ए’ डिभिजन लिग फुटबलमारोयल ब्लु सातदोबाटो युथ क्लबले फराकिलो जित निकालेको छ।

च्यासल मैदानमा बुधबार भएको खेलमा सातदोबाटोले संकटा क्लबलाई ४-० गोल अन्तरले पराजित गरेको हो ।

सातदोबाटोको जितमा विलियम ओपोकु असिएडु र दिपक सिंह ठकुरीले २-२ गोल गरेका थिए ।

सातदोबाटोको यो छैटौं जित हो । सातदोबाटो १२ खेलमा २१ अंक जोडेर तेस्रो स्थानमा उक्लिएको छ ।

त्यस्तै, समान खेल खेलेको संकटाको भने १५ अंक छ ।