काठमाडौं । नेपालमा जारी एसीसी प्रिमियर कपको समूह ‘बी’ खेलमा साउदी अरेबियाविरुद्ध सहज जित निकाल्दै ओमान सेमिफाइनलमा प्रवेश गरेको छ ।

टियु क्रिकेट मैदानमा बुधबार भएको खेलमा ओमानले साउदी अरेबियालाई ७२ रनले पराजित गर्दै सेमिफाइनलमा आफ्नो यात्रा सुनिश्चित गरेको हो ।

ओमानले दिएको ३६७ रनको लक्ष्य पछ्याएको साउदी अरेबियाले ४६.५ ओभरमा अल आउट हुदै २९४ रन बनाएको थियो ।

साउदीका लागि अब्दुल वाहीदले सर्बाधिक ९५ रन बनाएका थिए भने साद खानले ७८, कप्तान हिशाम शेखले ३६, अब्दुल वहिदले २५ रन बनाएका थिए ।

त्यस्तै, ओमानका बलर बिलाल खानले सर्बाधिक ४ विकेट लिए भने जय ओडेड्राले ३ विकेट लिएका थिएका थिए ।

यो समूहबाट नेपाल एक खेलअघि नै सेमिफाइनलमा पुगिसकेको छ । नेपालले समूह ‘ए’ को अन्तिम खेल भोलि (बिहीबार) कतारसँग खेल्दैछ ।

यो खेलले सेमिफाइनल पुग्ने समूह विजेता र उपविजेताको टुंगो लगाउनेछ ।