मोरङ । मोरङ प्रहरीले साथीलाई कुटपिट गरेको आरोपमा १३ जना बालिकालाई पक्राउ गरेको छ ।

मोरङको मिक्लाजुङ गाउँपालिका–१३ स्थित कालिका माध्यमिक विद्यालयमा अध्ययनरत १३ जना विद्यार्थीलाई प्रहरीले पक्राउ गरेको हो ।

उनहिरुले सोही विद्यालयको कक्षा ८ मा अध्ययनरत छात्रलाई कुटेका थिए ।आरोपीहरुविरुद्ध ज्यान मार्ने उद्योगमा जाहेरी दर्ता गरिएको छ ।

आरोपीहरुविरुद्ध अनुसन्धान गर्न अदालतले प्रहरीलाई ५ दिनको म्याद दिएको छ ।

सोही विद्यालयमा अध्ययन गर्ने १३ जना बालिकाहरूले सङ्गठितरूपमा कुटपिट गरी भिडिओसमेत बनाई सामाजिक सञ्जालमा सम्प्रेषण गरेको आधारमा उनीहरूलाई पक्राउ गरेको इलाका प्रहरी कार्यालय उर्लाबारीले जनाएको छ ।

गम्भीर घाइते बालिकाको विर्तामोङ बीएन्डसी अस्पतालमा उपचार भइरहेको छ ।