काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा फ्रेन्ड्स क्लबले जित निकालेको छ ।

मंगलबार दशरथ रंगशालामा सम्पन्न खेलमा फ्रेन्ड्स क्लबले न्यूरोड टिमलाई ३-१ गोल अन्तरले पराजित गरेको छ ।

फ्रेन्ड्सको जितमा राफिक अमिनु, टोरिक जेब्रिन र प्रकाश बुढाथोकीले एक एक गोल गरेका थिए ।

एनआरटीका सन्जिब विष्टले एक गोल फर्काए ।

यो जितपछि फ्रेन्ड्स क्लबको १२ खेलमा १४ अंक भएको छ भने एनआरटीले १२ खेलमा १३ अंक जोडेको छ ।