दाङ । दाङ प्रहरीले श्रीमतीको हत्या गरेर फरार भएकको आरोपमा १ जनालाई पक्राउ गरेको छ ।

प्रहरीले घोराही उपमहानगरपालिका–१२ रतनपुरकाकी ४० वर्षीय श्रीमती शारदा केसीको हत्या गरेको आरोपमा ४१ वर्षीय मेघराज केसीलाई पक्राउ गरेको हो ।

मेघराजलाई वैशाख ८ गते राति साढे ९ बजे लुकिछिपी हिँडिरहेको अवस्थामा भानपुरबाट पक्राउ गरेको जिल्ला प्रहरी कार्यालय दाङले जनाएको छ ।

श्रीमान–श्रीमतीको आपसी विवादका क्रममा आफूले श्रीमतीको हत्या गरेको स्वीकारेको प्रहरीले जनाएको छ ।