बारा । जनमत पार्टीका अध्यक्ष सिके राउतले बारा क्षेत्र नंं. २ का दुई मतदान केन्द्रमा बुथ कब्जा भएको आरोप लगाएका छन् । प्रहरी प्रशासनकै संरक्षणमा पचरौता नगरपालिका बेलडाडीमा जनता समाजवादी पार्टीले बुथ कब्जा गरेको उनले आरोप लगाएका हुन् ।

बेलडाडी र देवतालको झिगैया बुथमा आफ्ना प्रतिनिधिलाई समेत प्रवेश गर्न नदिएको उनको भनाइ छ । तर, स्थानीय प्रशासनले कुनै पनि मतदान केन्द्रमा बुथ कब्जा नभएको र शान्तिपूर्वक मतदान भइरहेको बताएको छ । राउतले उपेन्द्र यादवको पार्टीले बुथ कब्जा गरेको अरोप लगाएका हुन् । निर्वाचनमा पराजित हुने अवस्था देखिएपछि यादवकै निर्देशनमा बुथ कब्जा गराइएको पनि उनके अरोप छ ।