कञ्चनपुर । कञ्चनपुरमा घाँस काट्न गएकी महिलालाई बाघले लगेको छ । जिल्लाको बेलौरी नगरपालिका वडा नम्बर ८ पचुँइकी गंगादेवी चन्द बेपत्ता भएकी हुन् ।

नेपाल–भारत सीमा क्षेत्र नजिकै पर्ने खप्टिनालामा घाँस काट्ने क्रममा चन्दलाई बाघले लगेको जिल्ला प्रहरी कार्यालय कञ्चनपुरले जनाएको छ ।

उनीसँगै रहेका अरू महिलाहरू भने भागेका थिए । बेपत्ता चन्दको खोजी भइरहेको प्रहरीले जनाएको छ ।

आत्तिदै गाउँमा आएका ती महिलाले घटनाबारे बताएपछि स्थानीयबासी, नेपाल प्रहरी, सशस्त्र प्रहरी र जिल्ला सव–डिभिजन वन कार्यालय कुण्डाका कर्मचारी उक्त क्षेत्रमा पुगेका थिए ।

बाघले स्थानीयलाई झम्टिएपछि प्रहरीले ६ राउण्ड हवाइ फायरसमेत गरिएको बताइएको छ ।