महोत्तरी । बीपी राजमार्गअन्तर्गत महोत्तरीको गौशाला नगरपालिकास्थित सम्सी सडकखण्डमा बस र मोटरसाइकल ठोक्किँदा ३ जनाको ज्यान गएको छ।

ज्यान गुमाउने तीनै जना मोटरसाइकलमा सवार व्यक्ति रहेको जिल्ला प्रहरी कार्यालय महोत्तरीले  जनाएको छ ।

बुधबार दिउँसो गौशालाबाट बर्दिबासतर्फ आउँदै गरेको बा ३ ख २३९६ नम्बरको बस र मधेश प्रदेश ०१–००४ प ६८१९ नम्बरको मोटरसाइकल एक आपसमा ठोक्किएका हुन्।

प्रहरीका अनुसार मोटरसाइकलमा सवार तीन जनाको घटनास्थलमै मृत्यु भएको हो । मृतकको पहिचान भने खुल्न सकेको छैन।

ठक्कर दिने बसलाई प्रहरीले नियन्त्रणमा लिएको छ भने चालक फरार रहेको जनाईएको छ ।