काठमाडौं । राष्ट्रिय प्रजातन्त्र पार्टीका सांसद ज्ञानेन्द्र शाहीले आफ्नो पारिश्रमिकबाट प्रत्येक महिना खेलाडीहरुलाई ३ हजार दिने घोषणा गरेका छन् ।

मंगलबार बसेको प्रतिनिधिसभा बैठकमा बोल्दै सांसद शाहीले यस्तो घोषणा गरेका हुन् ।

पारिश्रमिक कम भएकै कारण खेलाडीहरू विदेशिने क्रम बढेको भन्दै संघीय र प्रदेशका गरी ८ सय ८४ सांसदसँग खेलाडीलाई मासिक तीन हजार रूपैयाँ दिन आग्रह पनि गरे ।

त्यस्तै, प्रदेश संरचना खर्चिलो भएको भन्दै प्रदेश खारेज गर्न र प्रतिनिधि सभामा २०५ जना मात्र सांसद रहने व्यवस्था गर्नुपर्नेमा जोड दिए ।