काठमाडौं । हिरो इन्डियन वुमन्स लिग खेल्न राष्ट्रिय महिला फुटबल टोलीका फरवार्ड रेखा पौडेल भारत प्रस्थान गरेकी छन् ।

स्पोर्ट्स ओडिसामा आबद्द रेखा सोमबार बिहान त्यसतर्फ प्रस्थान गरेकी हुन् ।

यस अघि राष्ट्रिय टिमकी गोलरक्षक तथा कप्तान एन्जिला तुम्बापो सुब्बा, फरवार्ड सावित्रा भण्डारी, मिडिफल्डर रेनुका नगरकोटे र सरु लिम्बु भारतीय महिला लिग खेल्नका बिहीबार नै भारत गईसकेका छन् ।

सन् २०१६ देखि सुरु भएको भारतीय महिला फुटबल लिगको नयाँ संस्करणको प्रतियोगिता २५ अप्रिलदेखि सुरु हुनेछ ।