काठमाडौं । राष्ट्रिय स्वतन्त्र पार्टी (रास्वपा) का सांसद हरि ढकालले सदन सकिएपछि पनि हाजिरी गर्ने व्यवस्था गर्न माग गरेका छन् ।

आइतबार प्रतिनिधिसभाको आकस्मिक समयमा बोल्दै उनले गणपूरक संख्या नपुगेर संसद् बैठक रोकिएकोप्रति आपत्ति जनाए ।

उनले संसद्‌मा हाजिर गरेर हिँड्ने प्रवृत्ति रहेको भन्दै सदन सुरु भएपछि मात्र नभई सदन सकिएपछि पनि हाजिरी गर्नुपर्ने बताए ।

उनले भने, ‘म सदनलाई आग्रह गर्न चाहन्छु बेलुका बैठक सकिएपछि पनि हाजिर गर्ने व्यवस्था गरियोस् ।’