एजेन्सी । दिल्लीको शराब घोटालामा मुख्यमन्त्री अरविन्द केजरीवाल समेत मुछिएपछि केन्द्रीय जाँच ब्युरो (सीबीआई) ले आज आइतवार बयान लिँदैछ ।

शराब घोटालामा जोडिएका व्यवसायीसँग मुख्यमन्त्री केजरीवालले भिडियो कल गरेको तथ्य बाहिरिएपछि सीबीआईले उनीसँग बयान लिन लागेको हो । बयान दिन केजरीवाल बिहान ११ बजे सीबीआई मुख्यालय जाँदैछन् ।

उनीसँगै पञ्जाबका मुख्यमन्त्री भगवंत मान र केही सांसद पनि सीबीआई कार्यालय जाने भारतीय सञ्चारमाध्यमले जनाएका छन् ।

यसअघि पक्राउ नै परेका दिल्लीका तत्कालीन उपमुख्यमन्त्री मनीष सिसोदिया शराब घोटालाकै कारण पुर्पक्षका लागि थुनामा रहेका छन् ।