काठमाडौं । नेकपा माओवादी केन्द्रका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ बिहान पार्टी केन्द्रीय कार्यालय पेरिसडाँडा पुगेका छन् ।

प्रचण्डले हप्ताको हरेक शुक्रवार पार्टीका नेता तथा कार्यकर्तालाई पार्टी केन्द्रीय कार्यालय पेरिसडाँडामा भेटघाट गर्ने कार्यक्रमको शुरूवात गर्न लागेका हुन् ।

शुक्रवार बिहान ८ बजेबाट प्रचण्डले पेरिसडाँडामा नेता, कार्यकर्तासँग भेटघाट गर्दैछन् ।

माओवादी केन्द्रले २०८० साल वैशाख १ गतेदेखि प्रधानमन्त्रीसँगै माओवादीबाट मन्त्री बनेकाहरुलाई केन्द्रीय कार्यालय पेरिसडाँडामै भेट्ने व्यवस्था मिलाउने निर्णय यसअघि गरेको थियो ।