काठमाडौं । बलिउड अभिनेता सलमान खानलाई हत्या गर्ने धम्की दिएको आरोपमा किशोर पक्राउ परेका छन् ।

मुम्बई प्रहरीले १६ वर्षीय किशोरलाई नम्बर ट्र्याक गर्दा ठाणे जिल्लाको शाहपुरबाट फोन आएको पत्ता लागेपछि पक्राउ परेको हो ।

भारतीय सञ्चारमाध्यमका अनुसार १६ वर्षीय ती किशोरले गत सोमबार राति मुम्बईस्थित प्रहरी कन्ट्रोल रुममा फोन गरेर सलमानलाई यही अप्रिल ३० मा मार्ने बताएका थिए ।

उनले आफ्नो नाम रकी भाइ बताएका थिए। धम्की दिएको विषयमा ती किशोरसँग प्रहरीले सोधपुछ गरिरहेको छ ।