काठमाडौं । काठमाडौंमा जारी सहिद स्मारक ‘ए’ डिभिजन लिग फुटबलमा संकटा क्लबले न्युरोड टिम एनआरटीलाई हराएको छ ।

त्रिपुरेश्वरस्थित दशरथ रंगशालामा बुधबार संकटाले एनआरटीलाई २-१ गोल अन्तरले हराएको हो ।

संकटाका लागि जुनियर एनकेनगुए र मनीष डाँगीले गोल गरे भने एनआरटीको लागि निकोलस सेर्जी सङले गोल फर्काए।

यो जितपछि संकटा ८ खेलमा १२ अंक जोड्दै शीर्ष सातौं स्थानमा उक्लिएको छ ।

त्यस्तै, एनआरटीले ८ खेलमा ६ अंक जोडेको छ । चौंथो हार व्यहोरेको एनआरटी ११ औं स्थानमा रहेको छ ।