काठमाडौं । ए डिभिजन क्लब चर्च ब्वाइज युनाइटेड क्लबको मुख्य प्रशिक्षकमा बालगोपाल महर्जन नियुक्त भएका छन्।

प्रदीप हुमागाईले चर्च ब्वाइजको मुख्य प्रशिक्षक पद छोडेपछि महर्जन क्लबमा आबद्ध भएका हुन् ।

महर्जनले बुधबार यो सिजनका लागि टोलीको मुख्य प्रशिक्षकका रुपमा जिम्मेवारी सम्हाल्ने गरि सम्झौता गरेका छन् ।

केहि समय राष्ट्रिय महिला टोलीलाई समेत प्रशिक्षण दिएका महर्जनले प्रशिक्षण दिन लागेको यो तेस्रो ए डिभिजन क्लब हो ।

यसअघि उनले घरेलु फुटबलका दुई सफल टोली थ्री स्टार क्लब र मनाङ मस्र्याङ्दी क्लबमा मुख्य प्रशिक्षकको जिम्मेवारी निर्वाह गरेका थिए ।