काठमाडौं । अप्रिल १८ देखि काठमाडौंमा आयोजना हुने एसीसी प्रिमियर कपको लागि मलेसियाले १४ सदस्यीय टोली घोषणा गरेको छ।

मलेसिया क्रिकेट संघले मंगलबार अहमद फैजको कप्तानीमा १४ सदस्यीय टोलीको घोषणा गरेको हो ।

समूह ए मा ओमानसँगै आयोजक नेपाल, कतार, मलेसिया र साउदी अरेविया छन् ।

मलेसियाले समूह चरणका तीन खेल मुलपानी र एक खेल टियु मैदानमा खेल्नेछ । मलेसियाले टियु मैदानमा १८ अप्रिलमा घरेलु टोली नेपालसँग खेल्दै प्रतियोगिताको सुरुआत गर्ने छ ।

नेपालसँग खेल्ने ओमानको टोली भने सोमबार नै नेपाल आईसकेको छ ।

प्रतियोगिताको च्याम्पियन हुने राष्ट्रले एसिया कपमा भारत र पाकिस्तानसँग खेल्न पाउनेछ ।

मलेसियाको टोली :

अहमद फैज(कप्तान),विरनदिप सिंह(उपकप्तान),सईद अजइ,शरभिन मुनियान्दि,अमिर अजिम,फित्री साम,खिजरी हायात,रिजवान,विजय उन्नी,अनवर रहमान,नज्जिल रहमान,मुहम्मद अजाम,वाफिक इफार्न,सैहदइत