काठमाडौं । आज नेपाली बजारमा सुनचाँदीको मूल्य स्थिर कायम भएको छ ।

आज गत शुक्रबारकै मूल्यमा सुन र चाँदीको कारोबार भइरहेको हो ।

आज छापावाल सुनको मूल्य तोलामा १ लाख १० हजार रुपैयाँ र तेजाबी सुनको मूल्य तोलामा १ लाख ९ हजार ५०० रुपैयाँ कायम छ ।

गत साताको शुक्रबार पनि यही मूल्यमा कारोबार भएको थियो । यस्तै, आज चाँदीको मूल्य पनि स्थिर कायम भएको सुनचाँदी व्यवसायी महासंघले जनाएको छ

महासंघले आज चाँदीको मूल्य तोलामा १४ सय ४० रुपैयाँ कायम भएको जनाएको छ । गत साताको शुक्रबार पनि यही मूल्यमा चाँदीको कारोबार भएको थियो ।