एजेन्सी । खालिस्तान समर्थक अमृतपाल सिंहलाई पक्राउ गर्न भारतीय सुरक्षा संयन्त्र असफल भइरहेको छ ।

अनेक प्रयास गर्दा पनि भारतीय सुरक्षा संयन्त्रले उनलाई फेला पार्न सकेको छैन । अमृतपालका सहयोगी र साथीहरूलाई भने प्रहरीले पक्राउ गरिसकेको छ ।

पञ्जाबका सिख समुदायका मुद्दा उठाएर क्रान्तिकारी नेताको छवि बनाउन चाहेका अमृतपालविरुद्ध भारत सरकारले कारवाही प्रक्रिया अगाडि बढाएको छ ।

धार्मिक पर्व वैशाखीमा अमृतपाललाई पक्राउ गर्ने रणनीतिअनुसार पञ्जाब प्रहरीले १४ अप्रिलसम्म सबै सुरक्षाकर्मीको बिदा रद्द गरेको छ । कारवाहीअन्तर्गत नै प्रहरीले उनलाई पक्राउ गर्न खोजेको हो तर सफल हुन सकिरहेको छैन ।