रामेछाप । रामेछापमा बोलेरो दुर्घटना हुँदा चार जनाको मृत्यु भएको छ ।

जिल्लाको मन्थली नगरपालिका वडा नं ७ भटौली स्थित कौछिनीमा बोलेरो दुर्घटना भएको हो ।

सदरमुकाम मन्थलीबाट १५ जना यात्रु बोकेर मन्थली नगरपालिका वडा नं ७ बटौलीको कौछिनी जाँदै गरेको बा ११ च ५५३ नम्बको बोलेरो कौछिनी स्थित मगर टोलमा दुर्घटना हुँदा घटना स्थलमै चार जनाको मृत्यु भएको प्रहरीले जनाएको छ ।

जिल्ला प्रहरी कार्यालय रामेछापका अनुसार दुर्घटनमा ११ जना घाइते भएका छन् । मृतको पहिचान भइसकेको छैन भने घाइतेलाई उपचारका लागि सदरमुकाम मन्थली ल्याइएको छ । दुर्घटनाको विस्तृत विवरण आउन बाँकी नै छ ।