चितवन । राष्ट्रिय स्वतन्त्र पार्टीका सभापति रवि लामिछानेले नागरिकता र पासपोर्टको मुद्दा उचालेर आफूलाई विवादमा पार्न खोजिएको बताएका छन् ।

बुधवार चितवनमा आयोजित कोणसभालाई सम्वोधन गर्दै सभापति लामिछानेले यस्तो बताएका हुन् ।

लामिछानेले नागरिकता र पासपोर्टको मुद्दा लड्नु परे पनि जनजीवीकाको मुद्दा उठाउन नछाड्ने बताए ।

लामिछानेले भने, ‘अहिले पनि हामीलाई शंका उपशंका गरिरहेका छन् । प्रश्न ३० वर्ष सत्तामा बस्नेलाई प्रश्न गर्ने कि ३० दिन सत्तामा बस्नेलाई ? पासपोर्टको मुद्दा आफ्नो ठाउँमा छ, लड्दै गरौंला । अरू मुद्दा चल्दै गर्छन् ।’

चितवन २ का उम्मेदवार समेत रहेका लामिछानेले अब ३० वर्ष सत्तामा बसेकाहरूलाई जनताले प्रश्न सोध्नुपर्ने बताए ।