काठमाडौं । उपप्रधान तथा गृहमन्त्री नारायणकाजी श्रेष्ठ मिटरब्याजी पीडितलाई भेट्न स्वास्थ्यकर्मीको टोलीसहित पुगेका छन् ।

पीडितहरुको स्वास्थ्यमा समस्या भएको भन्दै उनी स्वास्थ्य परीक्षण गर्न आग्रह गर्दै उनीहरु बसेको स्थानमा पुगेका हुन् ।

शनिबार पीडित र सरकारका बीचमा भएको सहमति अनुसार मन्त्रीपरिषदबाट छानबिन आयोग बनाएपछि उनीहरुले आन्दोलन फिर्ता लिने भनेका छन्।

पैदल हिँडेर आएका मिटरब्याजी पीडितहरुले केही दिनदेखि काठमाडौं केन्द्रित आन्दोलन गरिरहेका छन् ।