सुर्खेत । नेकपा माओवादी केन्द्र कर्णाली प्रदेश संसदीय दलको बैठकले सबै दलहरुसँग विश्वासको मत माग्ने निर्णय गरेको छ ।

दलको बैठकले आजको संसद बैठकमा सबै दलहरुसंग विश्वासको मत लिने र त्यसपछि मात्रै सरकारबारे आवश्यक निर्णय लिने निर्णय गरिएको स्रोतले जनाएको छ ।

प्रदेश सरकारका मुख्यमन्त्री राजकुमार शर्माले प्रदेशसभाबाट आज पुनः विश्वासको मत लिँदैछन् ।

सत्ता साझेदार दल राप्रपाले समर्थन फिर्ता लिएपछि मुख्यमन्त्री शर्माले दोस्रो पटक विश्वासको मत लिन लागेका हुन् ।