काठमाडौं । नेपालमा बिहिवार एकैपटक थप ६६४ जना कोरोना भाईरस संक्रमण मुक्त भएका छन् । यो संगै कोरोना मुक्त हुनेको संख्या ५ हजार ३०३ पुगेको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्रा. डा. जागेश्वर गौतमले देशका विभिन्न अस्पतालबाट आज ६६४ जना कोरोना संक्रमण मुक्त भएर घर फर्किएको जानकारी दिए ।

सैबीच नेपालमा आज (बुधवार) एकैपटक ४७३ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको कुल संख्या १४ हजार ५१९ पुगेको छ ।

स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा बितेको २४ घण्टामा ४७३ जनामा कोरोना भाइरसको संक्रमण पुष्टि भएको जानकारी दिए ।

उनका अनुसार नेपालमा अहिलेसम्म कोरोना भाइरसको कारण ३१ जनाको मृत्यु भएको छ ।