काठमाडौं । ६ प्रतिशतभन्दा बढीले ओरालो लागेपछि नेपाल स्टक एक्सचेञ्जले शेयर कारोवार स्थगित गरेको छ ।

मंगलबार र बुधबार लगातार ६ प्रतिशतभन्दा बढीले नेप्से परिसूचक उकालो लागेपछि कारोवार स्थगन गरेको थियो ।

स्टकका अनुसार आज नेप्से ८०.४१ बिन्दु अर्थात ६.०२ प्रतिशतले ओरालो लागेर १ हजार २५६.११ मा झरेको छ । यस्तै सेन्सेटिभ परिसूचक समेत १७.९९ बिन्दु अर्थात ६.२७ प्रतिशतले ओरालो लागेको छ ।

कूल १४२ कम्पनीको कूल १० लाख ६१ हजार ८९० कित्ता शेयर ४७ करोड ६६ लाख ५४ हजार ९७१ रुपैयाँमा खरीद बिक्री भएको स्टकले जनाएको छ ।