काठमाडौं । संघीय संसद अन्तर्गत राष्ट्रियसभाको बैठक आज बसने भएको छ । बैठक आज दिउँसो १ बजेपछि नयाँ बानेश्वरस्थित संसद भवनमा बस्न लागेको हो ।

बैठकमा प्रत्यायोजित व्यवस्थापन तथा सरकारी आस्वासन समिति सभापति माया प्रसाद शर्माले समितिको वार्षिक प्रतिवेदन २०७८÷७९ सभा समक्ष पेश गर्ने कार्यसूची छ ।

त्यस्तै सांसद भुवन बहादुर सुनारले दलित समुदायका विभेद र उत्पीडनहरुको अन्त्य गरी सामाजिक–साँस्कृतिक, आर्थिक, राजनीतिक समानता, समृद्धि र सामाजिक न्याय सुनिश्चित गर्ने सम्बन्धी संकल्प प्रस्ताव प्रस्तुत गर्ने छन् ।

बैठकको सुरुमा राष्ट्रियसभा अध्यक्ष गणेश प्रसाद तिमिल्सिनाले राष्ट्रपति कार्यालयबाट प्राप्त मन्त्रीपरिषद् सदस्यको कार्यभार तोकिएको सम्बन्धी पत्रहरुको व्यहोरा जानकारी गराउने संघीय संसद सचिवालयले जनाएको छ ।