काठमाडौं । प्रधानमन्त्रीका शान्ति तथा मानव अधिकार सल्लाहकार गोविन्द शर्मा कोइराला (बन्दी)ले राजीनामा दिएका छन् ।

शान्ति तथा मानव अधिकार सल्लाहकारको भूमिकामा रहेका पूर्व कानुनमन्त्री गोविन्द बन्दीले आइतबार आफ्नो पदबाट राजीनामा दिएका हुन् ।

बन्दीले प्रधानमन्त्री प्रचण्डलाई भेटेर राजीनामा दिएको र सो राजीनामा आजै स्वीकृत भएको स्रोतले जनाएको छ ।

संयुक्त राष्ट्रसङ्घीय मानव अधिकार परिषद्को ५२औँ सत्रमा भाग लिन स्वीट्जरल्याण्ड जान उनलाई मन्त्रीस्तरीय सुविधा प्राप्त हुनेगरी सल्लाहकारमा नियुक्त गरिएको थियो।